भारतदेशो विभूषितवेशो विशेषविलासस्त्रिभुवने विराजते ।
मम देशो
वेदवाणी प्रकाशते ॥
भवनेषु धूमः शुभगन्धयुतोऽयं
व्याप्नुते हवनाश्रितो,
विद्यापिपासु-ब्रह्मचारिगणोऽयं
राजते च कुले गुरोः ।
आम्रनिकुञ्जे ३, आम्रनिकुञ्जे कोकिलकूजो गुञ्जति वारंवारम्,
पश्य शोभा कथं रमणीया सदा वरणीया ।
वसन्त समागमे ॥ १॥
मम देशो
वेदवाणी प्रकाशते ॥
बहवो बभूवुरिह क्षत्रियवीरा
धार्मिका जनपालकाः
श्री कृष्णचन्द्रं रामभद्रं राघवं
को न बोधति धन्विनम् ।
महाभारते३, महाभारते युद्धे भीमार्जुनयोर्विक्रम-चरितम्,
वीरभूमे! नमो मातृभूमे !
धान्यधन-पूर्णे! ।
सदा शस्यश्यामले ! ॥ २॥
मम देशो
वेदवाणी प्रकाशते ॥
चरणानि यस्य सततं क्षालयते दक्षिणादिशि सागरो,
शैलाधिराजो रमते चोत्तरस्यां - देवतात्म-हिमालयो ।
गङ्गातीरे ३, गङ्गातीरे निर्मलनीरे नृत्यति नौकायानम्,
शीतवातोऽरविन्द-सुगन्धं प्रसारयतेऽयम् ।
विशाल-सरोवरे ॥ ३॥
मम देशो
वेदवाणी प्रकाशते ॥
लेखकः - प्रशस्यमित्र शास्त्री
नर्मदा पुस्तक से साभार।
लेखक से दिनांक 02-11-2023 को क्षत्रियावीरा पाठ के सम्बन्ध में ब्लॉगर जगदानन्द झा की बात हुई । नर्मदा पुस्तक में क्षत्रियावीरा पाठ मुद्रित है। लेखक ने क्षत्रियावीरा पाठ के स्थान पर क्षत्रियवीरा पाठ करने की स्वीकृति दी। यह गीत लेखक द्वारा 1980 में लिखा गया था।
कोई टिप्पणी नहीं:
एक टिप्पणी भेजें