मातः
चन्दिर एकाकी
कस्मात्
गगने सञ्चरति ।
मातरं
पितरं गृहं विहाय
रात्रौ
सततं सञ्चरति ॥
वायुः
वेगेन तं नयति
सूर्यः
किरणैस्तापयति ॥
मेघो
जलेन आर्द्रयति
न कोपि
तं परिपालयति ॥
अम्ब
चन्दिरमानयतु
अस्मद्गेहे
स्थापयतु ।
तेन सहाहं
क्रीडामि
खादामि
पिबामि नन्दामि ॥
मेघो
वर्षति मेघो वर्षति प्रवहति नीरम् ।
तुष्यति
कृषिकः गच्छति गोष्ठम् ॥
नयति च
वृषभं
हलमपि
वहति ।
कर्षति
क्षेत्रं
वपति च
बीजम् ॥
रोहति
सस्यं फलति प्रकामम् ।
भवति
समृद्धिः मनुकुलवृद्धिः ॥
लेखकः- जि. महाबलेश्वरभट्टः
राघव ! माधव ! सीते ! ललिते !
विमानयान रचयाम
राघव! माधव!
सीते! ललिते!
विमानयानं
रचयाम ।
नीले गगने
विपुले विमले
वायुविहारं
करवाम ।।1।।
उन्नतवृक्षं
तुङ्गं भवनं
क्रान्त्वाकाशं
खलु याम
कृत्वा
हिमवन्तं सोपानं
चन्दिरलोकं
प्रविशाम ।।2 ।।
शुक्रश्चन्द्रः
सूर्यो गुरुरिति
ग्रहान् हि
सर्वान् गणयाम
विविधाः
सुन्दरताराश्चित्वा
मौक्तिकहारं
रचयाम ।।3।।
अम्बुदमालाम्
अम्बरभूषाम्
आदायैव हि
प्रतियाम ।
दुःखित-पीडित-कृषिकजनानां
गृहेषु हर्षं
जनयाम ।।4।।
विचरसि वायो कुत्र ?
सर सर सर सर्
विचरसि वायो कुत्र ?
मामपि नय भोस्तत्र ॥ ध्रुवम्॥
ग्रामे नगरे भुवि वा गगने
अविशेषा तव गतिः ।
दीने धनिके कुजने सुजने
भेदविरहिता मतिः ॥ १॥
सुरभितकुसुमं कलुषितपङ्कं
समभावनया स्पृशसि ।
कुमुदामोदं दूषितधूमं
अविकलमनसा वहसि ॥ २॥
धृतभाराणां कृतकार्याणां
तनुतापं त्वं हरसि ।
कन्दुकक्षेपण-केलिरतानां
श्रममनुपदमपनयसि ॥ ३॥
लेखकः – डॉ. विश्वासः
सरलभाषा संस्कृतं सरसभाषा संस्कृतम् ।
सरस-सरल-मनोज्ञ-मङ्गल-देवभाषा संस्कृतम् ॥
मधुरभाषा संस्कृतं मृदुलभाषा संस्कृतम् ।
मृदुल-मधुर-मनोह-रामृत-तुल्यभाषा संस्कृतम् ॥(अमृत)तुल्यभाषा संस्कृतम् ॥
देवभाषा संस्कृतं वेदभाषा संस्कृतम् ।
भेद-भाव-विनाशकं खलु, दिव्यभाषा संस्कृतम् ॥
अमृतभाषा संस्कृतम्, अतुलभाषा संस्कृतम् ।
सुकृति-जन-हृदि परिलसितशुभवरदभाषा संस्कृतम् ॥
भुवनभाषा संस्कृतं, भवनभाषा संस्कृतम् ।
भरत-भुवि परि-लसित, काव्य-मनोज्ञ-भाषा संस्कृतम् ॥
शस्त्रभाषा संस्कृतं, शास्त्रभाषा संस्कृतम् ।
शस्त्र-शास्त्र-भृदार्ष-भारत- राष्ट्रभाषा संस्कृतम् ॥
धर्मभाषा संस्कृतं, कर्मभाषा संस्कृतम् ।
संस्कृतस्य रक्षणाय बद्धपरिकरा वयम् ।
संस्कृते:
प्रवर्धनाय दृढनिधिर्भवेदिदम् ॥
संस्कृतस्य
महिमवर्णनेन नास्ति साधितं
सततसम्भाषणेन
तस्य जीवनं स्थिरम् ।
जनमुखेन
भाषितं ननु जगति जीवितं
राजते
चिरं समस्तराष्ट्र-मान्यतास्पदम् ॥
संस्कृतस्य
सेवनं मातृसेवासमं
तेन
सम्भाषणं वाङ्मातृपूजनम् ।
मातृभि:
प्रवर्तनेन मातृभाषा परं
सरलसम्भाषणेन
लसति बालादृतम् ॥
राजपोषणात्
पुरा नीतमिदं वैभवं
लोकशक्ति-केन्द्रितं
स्थास्यतीह केवलम् ।
शिक्षकास्तदर्थमेव
त्यागशालिन: स्यु:
संस्कृतोज्जीवनाय
प्राप्तजीवना ध्रुवम् ॥
रचयेम संस्कृतभवनम्
वन्दे त्वां भूदेवीमार्य मातरं
जयतु जयतु पदयुगलं ते निरन्तरम् ॥ ध्रुवम्॥
शुभ्र-शरच्चन्द्र-युक्त-चारुयामिनीं
विकसित-नव-कुसुम-मृदुल-दामशोभिनीं
मन्दस्मितयुक्त-वदन-मधुरभाषिणीं
सुजलां सुफलां सरलां
शिववरदां चिरसुखदां
मुकुलरदामार्य मातरम् ॥ १॥
अगणितसंतानवृन्द-कण्ठनादिनीं
अमितभुजां धृतधरिणीं तनयतारिणीं
हिमनगजां स्वाभिमान-बुद्धिदायिनीं
कमलाम् अमलाम् अतुलां
रिपु-दलिनीं बलकरणीं
धृतनलिनीं राष्ट्रमातरम् ॥ २॥ वन्दे त्वां..
धर्मस्त्वं शर्म त्वं त्वं यशोबलं
शक्तिस्त्वं भक्तिस्त्वं कर्म चाखिलं
प्रतिसदनं प्रतिमा ते त्वं महाबलं
धरणीं भरणीं जननीं
कविप्रतिभां नतसुलभां
जगदम्बां देशमातरम् ॥ ३॥ वन्दे त्वां..
3. सरस्वती शोध संस्थान -
वेद
|
50
|
कोष
|
65
|
तन्त्रशास्त्र
|
230
|
रामायण
|
30
|
व्याकरण
|
176
|
साहित्य
|
300
|
महाभारत
|
70
|
धर्मशास्त्र
|
105
|
दर्शन
|
360
|
मैथिली साहित्य
|
132
|
शोध प्रबन्ध
|
85
|
ज्योतिष
|
31
|
शास्त्र संग्रह
|
200
|
न्याय दर्शन
|
111
|
गीता
|
24
|
अभिनन्दन ग्रन्थ
|
56
|
साहित्य
|
587
|
कैटलाग
|
30
|
हिन्दी साहित्य
|
100
|
आलइण्डिया ओरिय0 कान्फ्रेन्स
|
25
|
पुराण
|
36
|
