घनागमन- गीतम्

 सखि! श्यामला जने जने मुदावहा

घनावली समागताऽधुना। सखि ...

पादपेषु पल्लवेषु कुञ्जवल्लरीवनेषु

भूतलेsखिलेऽभिरामतां वितन्वती,

घनवाली समागताsधुना।। सखि! श्यामला......

मन्दमन्दमारुतेन कुञ्जकोकिलारुतेन,

शीतशीकरेण सर्वलोक-हर्षदा,

घनावली समागताsधुना।। सखि! श्यामला.......

मत्तबर्हिणो वनेषु मत्तपक्षिणो द्रुमेषु,

मुग्धबालकाः प्रफुल्लिता गृहे गृहे,

घनावली समागताsधुना।। सखि! श्यामला.....

नो तमो भुवं जहाति नो दिनं दिनं विभाति,

भानुभानवो दिवङ्गता पलायिता,

घनावली समागताsधुना।।

सखि! श्यामला जने जने मुदावहा,

घनावली समागताऽधुना।

       लेखक- वासुदेव द्विवेदी शास्त्री