विस्तीर्ण-प्रतीरे

विस्तीर्णप्रतीरे

असङ्ख्यनृकृते

हाहाःकारेऽपि, निःशब्दन् निःस्पृहम् -

भो गङ्गे कथं नु गङ्गे वहस्यनिशम् ?

 

नैतिकतां प्रस्खलिताम्

मानवतां च अधोगताम् -

प्रेक्ष्यापि निर्लज्जम्

वहसे कथम् ?

 

ज्ञानहीने अक्षररहिते,

लक्ष्यमाणेऽपि निरन्नजने

मौनञ्च कुतस्तन्- नेतृहीने?

 

सहस्रवर्षैः ऐतिह्योदीरितैः च

मन्त्रैः पुनः नव्यभारतम् -

सुसाङ्ग्रामिकं, सर्वाग्रगमं

करोषि न किमर्थम् ?

 

व्यक्तौ यदि स्याद् व्यक्तिवादः

समाजो भूयः व्यक्तितत्त्वहीनः -

कस्मात् न प्रध्वंससे स्रस्तजनान् ?

 

त्वं हि यदि जह्नुनन्दिनी,

तत् पितृत्वम् किल नाममात्रम्,

नो चेत् न प्राणेषु

प्रेरणा कथम् ?

 

उन्मत्तधरां कुरुक्षेत्ररूपाम्

आलिङ्ग्य हि घोरं

न निद्रायमाणम् -

भीष्मसमं भारतप्रसूतम्

जागरयसि कथम्?

 ......

मूल-असमीया-रचना/स्वरश्च- डा: भूपेन हजारिका

संस्कृतानुवाद:/ कण्ठस्वरश्च- श्रीरंजन बेजबरुवा (असमत:)